Củ tịc Quốk hội ồng Vương Đình Huệ tơngŏ bơta chờ hờp dờp jơnau jà bơh Củ tịc Hạ viện mò Puan Maharani dê tus còp ngan ngồn lơgar Indonesia, tus bal Pơrjum dờng ală Nghị viện ală lơgar tiah đah Jum mat tơngai lik câu Á dơ̆ 44 (AIPA-44), còp ƀòn dờng Jakarta niam bơnĕ ngan. Đơs sùm bơta gĭt gơ̆p 2 lơgar dê gam bơtàu tơnguh niam bơnĕ, Củ tịc Quôk hội đơs nền dơ̆ lòt còp là nàng kờñ sơlơ tơnguh bơta gĭt gơ̆p đah 2 lơgar dê tàm jơh ală gah mờ ală kấp, tàm hơ̆ geh Đảng, Nghị viện, Cíñ phủ, ală tiah mờ tìp mat lơh kwèng làng bol.

Củ tịc Quôk hội pà gĭt, do là dơ̆ lòt còp ngan ngồn lơgar Indonesia sơn rờp tàm gơnoar broă Củ tịc Quôk hội dê, tơngŏ bơta niam ngan tềng đap bơta bơtàu tơnguh bơh càr lơgar Jakarta dê- tiah drà dờng ngan rlau jơh, geh khà kờp làng bol mìng geh 3% mơya tă pơgồp tus 20% ai GDP bơh gùt lơgar Indonesia dê. Củ tịc Quốk hội kơ̆p kờñ càr lơgar đah 2 lơgar dê sơlơ tơnguh lơh broă bal, cribơyai bơta mờng chài lơh broă bơtàu tơnguh, ngan là tŭ đah Hà Nội mờ Jakarta kờp dŭ rơ̆p gờñ geh gùng par song.