Tàm dơ̆ wă, Củ tịc Quốk hội ồng Vương Đình Huệ neh yal tus Kwang atbồ Ủy ƀan lơh broă mờ lơgar ndai Quốk hội lơgar Bangladesh dê bè broă lơh geh Mpồl Nghị sĩ git gơ̆p lơh bơyô đah lơgar Việt Nam mờ lơgar Bangladesh; hòi jà Ủy ƀan Lơh broă mờ lơgar ndai Quốk hội lơgar Việt Nam mờ lơgar Bangladesh là anih tơrbŏ bal kwơ màng nàng lơh pràn ală jơnau ring bal mờ ală sră nggal lơh broă bal neh geh kĭ hơ bal.

Củ tịc Quốk hội kơ̆p kờñ tàm tơngai tus geh uă mpồl nghị sĩ bơh ală Ủy ƀan bơh Quốk hội lơgar Bangladesh, ală nghị sĩ cau ùr, nghị sĩ cau kơnòm să tus lơgar Việt Nam nàng tơnguh broă tìp bal, bơsram bal broă mờng chài, mờ ai geh bơta pràn tàm bơta git gơ̆p đah bàr lơgar dê.