Mho ngai 07/03, tàm Hìu lơh broă Quôk hội, Củ tịc Quôk hội ồng Vương Đình Huệ wă Kwang bàng ala mat Mpồl ala mat ală Mpồl lơh sa lơgar Nhờk (hòi lơyah là Keidanren) gam còp mờ lơh broă tàm Việt Nam mờ tus bal dơ̆ cribơyai lơh sa kwang bàng kấp dờng Việt Nam mờ Nhờk di tơngkah kir sơn rai 50 nam lơh broă cribơyai broă mờ lơgar ndai đah Việt Nam mờ Nhờk (21/9/1973-21/9/2023).

Đơs tàm dơ̆ wă, Củ tịc Quôk hội ồng Vương Đình Huệ pà gĭt, tơngai tus, Quôk hội Việt Nam rơ̆p ring bal bàr pe adat kwơ màng ngan, bè rơndap broă lơh Adat Ù tiah (tam gơl), Adat lơh sa kă bro hìu đam (tam gơl), Adat tam gơl, bơtơl bàr pe bơta bơh Adat ală mpồl ai càn priă, Adat Bơtàu tơnguh lơh sa mờ măi mok. Củ tịc Quôk hội sồr, Keidanren bal mờ ală mpồl lơh sa kă bro lơgar Nhờk sền gròi mờ tă pơgồp jơnau đơs nàng Quôk hội Việt Nam in lơh sir ală rơndap broă lơh Adat kwơ màng do. Ala mat Keidanren hơ rơ̆p bal mờ ală mpồl lơh sa kă bro lơgar Nhờk pơnđơl pràn lơh ngan ai jơh bơta pràn he dê nàng tă pơgồp ai bơta bơtàu tơnguh bơh jơh bal Việt Nam mờ Nhờk tàm tơngai tus, pơgồp bơnah bal mờ Cíñ phủ Việt Nam lơh ală jơnau kờñ neh geh ai.