VOV4.K’ho- Mho ngai 02/08, tàm Hìu Quôk hội, Củ tịc Quôk hội ồng Vương Đình Huệ neh wă Củ tịc Ủy ƀan Broă lơh gùt plai ù Tập đoàn Tài cíñ Hana Hàn Quôk ồng Kim Jun Tai. Củ tịc Quôk hội ồng Vương Đình Huệ jờng rơ bơta lơh nền bơh Hana dê tàm broă kĭ jơnau ring bal bơcri 35% bơnah priă tă pơgồp bơh BSC dê (lơh jăt broă lơh bơcri priă bơnah priă tă pơgồp êt ngan rlau jơh kwơmàng tàm Kông ty Kồ phần Cứng khoán BIDV); đơs là, do là bơta lơh nền gơcèng broă lơh jŏ tơngai, bơta do tơngŏ bơta pin dờn bơh ală cau bơcri priă lơgar ndai dê đơs bal kung bè bơta gơn kơnờm lơh sa bơh Việt Nam dê.

Củ tịc Quôk hội đơs nền, Quôk hội Việt Nam sùm rơcăng iăt kơno nàng pơn jăt tai lơh sir ală adat boh lam, gùng dà broă lơh, kơrnoăt boh lam, ai tơl bơta niam ngan rlau jơh ai jơh ală bơnah lơh sa, cau bơcri priă in, tàm hơ̆ geh ală cau bơcri priă lơgar Hàn Quôk ngai sơlơ rề ơnàng bơcri priă, kă bro geh cồng nha tàm Việt Nam.

Cau mblàng Lơ Mu K’Yến