Tàm dơ̆ wă, 2 gah đơs bal là, bơta gĭt gơ̆p lơh broă bal tơl làm Việt Nam mờ Hungary tàm ală nam pa do bơtàu tơnguh jơh nùs ngan tàm jơh ală gah broă, tàm ală gah, kwơ màng là cíñ trị- cribơyai broă mờ lơgar ndai, lơh sa- kă bro, bơto bơtê, niam chài.

 2 lơgar gàr niam sùm tàm pơ gơl mpồl kwang bàng ală kấp, kwơ màng là ală mpồl kwang bàng kấp dờng. Broă lơh tàm pơgơl mpồl kwang bàng kấp dờng neh mờ gam pơgồp bơnah ai bơta gĭt gơ̆p 2 lơgar bơtàu tơnguh tus gơnoar broă pa. Củ tịc Quôk hội sồr 2 gah pơn jat tai lơh jat ală tơngume Jơnau ring bal lơh broă bal đah Quôk hội 2 lơgar dê neh geh kĭ tàm nam 2022. Củ tịc Quôk hội gờm chờ lơgar Hungary at gơnoar broă geh cồng nha Củ tịc tàm pơdar bơh Hội đồng EU dê, kơ̆p kờñ tàm gơnoar broă do, lơgar Hungary rơ̆p sơlơ tơnguh bơta gĭt gơ̆p lơh broă bal đah EU mờ Asean mờ bơta gĭt gơ̆p lơh broă bal đah Việt Nam mờ EU.