VOV4.K’ho- Mho ngai 26/4, tàm hìu lơh broă Quôk hội, Củ tịc Quôk hội ồng Vương Đình Huệ neh wă mò Pany Yathotou, Ủy viên Ƀộ Cíñ trị Đảng Làng bol kac màng Lào, Phó Củ tịc lơgar Lào gam còp ngan ngồn lơgar Việt Nam.

Đơs niam cồng nha tìp mat đah 2 Phó Củ tịc lơgar geh lơh tàm drim dùl ngai bal, Củ tịc Quôk hội ồng Vương Đình Huệ đơs nền, Quôk hội Việt Nam rơcang sền sơ wì mờ tă bơsong ală kòl yan bè thể cế nàng kờñ lơh gơlik bơta niam ai mpồl lơh sa kă bro 2 lơgar in lơh broă bal geh cồng nha rlau tai, pơgồp bơnah tơnguh priă lơh geh bơh kă bro đah Việt Nam mờ Lào, kung bè ai git gơp lơh sa, kă bro, bơcri priă 2 lơgar bơtàu tơnguh, pơgồp bơnah tơnguh niam rài kis làng bol. Bal mờ hơ̆, Quôk hội Việt Nam kờñ broă sơlơ tơnguh broă bơto bơtê cau bơsram dờng lơgar Lào kung bè cribơyai mờng chài lơh broă đah kwang bàng ală anih lơh broă geh gơ rềng đah 2 lơgar.

Cau mblàng K’Duẩn