VOV4.K’ho- Mho ngai 13/7, tàm Hìu lơh broă Quôk hội, Củ tịc Quôk hội ồng Vương Đình Huệ wă Phó Củ tịc Quôk hội Lào ồng Sommad Pholsena gam lam bồ Mpồl kwang bàng kâp dờng Quôk hội Lào lòt còp mờ lơh broă tàm lơgar Việt Nam. Củ tịc Quôk hội ồng Vương Đình Huệ đơs là, dơ̆ lòt còp bơh Phó Củ tịc Quôk hội Lào dê tus Việt Nam dơ̆ do nàng kờñ lam lơh jat ngan ngồn jơnau ring bal lơh broă bal đah 2 Quôk hội pa geh 2 Củ tịc Quôk hội 2 lơgar kĭ tàm lơgar Lào. Do kung là tŭ nàng 2 gah cribơyai mờng chài lơh broă bơh Quôk hội tơl lơgar dê.

Củ tịc Quôk hội ồng Vương Đình Huệ đơs nền, Việt Nam mờ Quôk hội Việt Nam sùm sền sơlơ bơtàu tơnguh git gơp tam klac kuơmàng mờ Lào là broă lam lơh lài khà dùl. Củ tịc Quôk hội ai tơnggŏ bơta pin dờn, tềng đap bơta đơng lam bồ bơh Đảng dê, bơta đơng pơlam bơh dà lơgar dê, bơta ring bal bơh làng bol tàm lơgar mờ gơp bơyô dunia dê, ngan là Lào geh sơrlèt gan tơl kal ke, bơtàu tơnguh pràn kơldang rlau tai.

Cau mblàng K’Duẩn