VOV4.K’ho- Drim ngai 19/07, Củ tịc Quôk hội ồng Vương Đình Huệ wă rò Duh broă sùm Ƀan Ƀí thư, Phó Củ tịc lơgar Kộng hoà Dân zủ Làng bol Lào ồng Bounthong Chitmany mờ Mpồl kwang bàng ala mat kâp dờng Đảng mờ Dà lơgar Lào gam geh dơ̆ lòt còp mờ lơh broă tàm Việt Nam. Củ tịc Quôk hội ồng Vương Đình Huệ đơs sùm, bal mờ broă bàr dà lơgar lơh jăt niam jơnau ring bal kwang bàng kâp dờng đah bàr Đảng, bàr Dà lơgar dê, bàr Quôk hội neh geh jơnau ring bal lơh broă bal loh làng ngan.

Tàm dơ̆ lòt còp ngan ngồn lơgar Lào tàm nhai 05 nam 2022, bàr Củ tịc Quôk hội bàr lơgar dê neh kĭ Jơnau ring bal lơh broă bal nàng tơnguh bơta lơh broă bal mờ gơtùi lơh broă bal đah bàr Quôk hội, tă pơgồp bơnah bal tàm broă bơ̆t bơtàu mờ bơtàu tơnguh bơta gĭt gơ̆p đah bàr Đảng, bàr Dà lơgar mờ Làng bol bàr lơgar. Lơh jăt jơnau ring bal pa geh kĭ hơ, Phó Củ tịc Quôk hội lơgar Lào ồng Sommad Pholsena neh lam bồ mpồl kwang bàng ala mat kâp dờng Quôk hội lơgar Lào lòt còp mờ lơh broă tàm Việt Nam nàng cribơyai, kơlôi sơnơng bơta mờng chài jăt sền, lơh nền ală broă kwơmàng dà lơgar dê, ngan  là tàm gah broă lơh bơcri priă dà lơgar mờ ătbồ dờng.

Cau mblàng Lơ Mu K’Yến