Củ tịc Quốk hội ồng Vương Đình Huệ đơs sùm, lơgar Việt Nam mờ Algeria là 2 lơgar gơ̆p bơyô bal bơh yau jŏ rài. Vịêt Nam ting jăt gùng dà broă lơh lơh broă mờ lơgar ndai lơngap lơngai is, rcang is, ring lơngai, gĭt gơ̆p lơh bơyô, lơh broă bal mờ bơtàu tơnguh. Tàm dơ̆ tìp mat, 2 nă kwang đơng lam bồ ring bal đơs là, bulah Việt Nam mờ Algeria ơm ngài bè kơnhoàl ù tiah, mơya geh bơta gĭt gơ̆p rềp mềr mờ đềt mềr ngan. Tơngai tus, 2 lơgar pal tơnguh bơta gĭt gơ̆p lơh broă bal bè lơh sa, kă bro.

Phó Củ tịc Quốk hội lơgar Algeria đơs nền, lơgar Algeria rcang lơh rƀàng tàm tơrbŏ bal, lơh mpồng mŭt nàng lơgar Việt Nam in mut bal tàm drà kă bro câu Phi. Củ tịc Quốk hội ồng Vương Đình Huệ đơs nền, lơgar Việt Nam rcang lơh rbàng tàm tơrbŏ bal, lơh mpồng mut nàng lơgar Algeria in mut bal tàm drà kă bro Asean. Phó Củ tịc Quôk hội lơgar Algeria ồng Monder Bouden jờng rơ uă ngan dơ̆ Cribơyai “Sơlơ tơnguh bơta pràn jak sồ ai ơruh pơnu in”, Dơ̆ sơnđờm mut pơrjum bal bơh Pơrjum Nghị sĩ kơnòm să gùt plai ù dơ̆ 9 dê. Mpồl Nghị sĩ kơnòm să Quốk hội lơgar Algeria neh geh ală tă pơgồp jơh nùs ngan tàm ală broă lơh do.