Củ tịc Quôk hội ồng Vương Đình Huệ tơlik nùs nhơm chờ hờp tìp Mpồl kwang đơng lam bồ Mpồl Lơh bơyô bal đah lơgar Iran mờ Việt Nam mờ Củ tịc Mpồl là ồng Seyed Kamal Sajadi, cau lài do là Đại sứ lơgar Iran tàm Việt Nam, đềt mềr ngan mờ lơgar Việt Nam mơkung là Củ tịc tơlik măt Mpồl Lơh bơyô bal đah lơgar Iran mờ Việt Nam. Củ tịc Quôk hội ồng Vương Đình Huệ đơs nền, Việt Nam sùm sền dờng màng mờ kơ̆p kờñ lơh gĭt gơ̆p lơh bơyô bal, lơh broă bal uă bơta mờ lơgar Iran.

Dơ̆ lòt còp bơh Mpồl dê dơ̆ do pơgồp bơnah sơlơ tơnguh tai gĭt gơ̆p lơh broă bal đah 2 lơgar tàm gah Đảng, Quôk hội, Cíñ phủ mờ ƀòn lơgar, ngan là sơlơ tơnguh tai lòt còp lơh kwèng bal đah làng bol 2 lơgar. Củ tịc Quôk hội ồng Vương Đình Huệ kơ̆p kờñ là, Mpồl Lơh bơyô bal đah Iran mờ Việt Nam pơn jăt tai lơh uă ală broă lơh tìp măt lơh kwèng bal đah làng bol, tă pơgồp uă rlau tai tàm gĭt gơ̆p 2 lơgar đơs bal.