Tàm dơ̆ wă rò, Củ tịc Quôk hội ồng Vương Đình Huệ jờng rơ ală bơta tam gơl niam tàm git gơp 2 Đảng, 2 dà lơgar tàm tơngai lài, ngan là broă 2 gah ring bal pơn jat tai lơh niam rlau tai mờ tơnguh bơta git gơp lơgar lơh broă bal jŏ jòng tơl làm, bơt bơtàu “Mpồl bơtiàn tam pà bal tơnơ̆ do đah Việt Nam mờ Lo geh gơtha kuơmàng”. Bàr gah chờ hờp sền gŏ tàm tơngai lài, 6 gùng dà lơh broă bal dờng đah 2 lơgar neh geh lam lơh mờ bơh sơn rờp neh lơh geh ală cồng nha niam ngan.

Bè git gơp đah 2 Quôk hội, Củ tịc Quôk hội đơs nền, tàm jơh ală bơta lơh ngan lơh geh “Pin dờn cíñ trị ngai sơlơ dờng rlau”, bơta git gơp lơh broă bal đah Quôk hội 2 lơgar ngai sơlơ geh lơh kơ̆ kơljap mờ bơtàu tơnguh tàm jơh ală bơta. Ồng Đại sứ rơp pơn jat tai là rbàng tơrbŏ lơh geh cồng nha ală gah lơh broă bal đah 2 lơgar, pơgồp bơnah lam lơh niam jơnau git wă bal bơh kwang đơng lam bồ kâp dờng dê; ai bơta git gơp 2 Đảng, 2 dà lơgar ngai sơlơ bơtàu tơnguh tàm jơh ală bơta, kơ̆ kơljap, niam bơnĕ mờ jŏ jòng sùm.