VOV4.K’ho- Drim ngai 29/07, tàm Hìu lơh broă Quôk hội, Ủy ƀan Adat boh lam Việt Nam lơh broă mờ ală Ƀộ, ngàñ geh gơrềng bè bàr pe tơngume geh gơrềng tus broă tam gơl, bơtơl Nghị quyết sồ 1210 bơh Ủy ƀan Thường vụ Quôk hội dê bè sac rơwah tiah drà mờ Nghị quyết 1211 bè jơnau sồr bơh mpồl lơh broă sră nggal mờ tam pà mpồl lơh broă sră nggal.

Anih lơh broă dơ̆ pơrjum dê

Đơs tàm dơ̆ lơh broă, Củ tịc Quôk hội ồng Vương Đình Huệ đơs sùm, broă tàm pà ù tiah dà lơgar gơ gơs mpồl lơh broă sră nggal, mpồl gơnoar atbồ ală tiah là bơta ờ tŭ lơi pleh klàs, bè sac rơwah tiah drà, tàm bơta geh ngan ală tiah dê ndrờm sồr tam gơl 2 Nghị quyết do. Củ tịc Quôk hội ồng Vương Đình Huệ sồr: broă sac rơwah mpồl lơh broă sră nggal pal geh bơta ring bal dà lơgar, mơya kung geh ală bơta krơi is sơl; pal geh kơlôi sơnơng nền nòn ngan, geh tơngume bal, gàr niam bơta ring bal bơh jơh gùt lơgar dê, tơnơ̆ hơ̆, tam pà kấp ai gơnoar atbồ ală kấp in lơh jat.

Cau mblàng K’Hạnh