Đơs tàm dơ̆ tìp mat, Củ tịc Quốk hội ồng Vương Đình Huệ jờng rơ uă ngan gùng dà broă lơh bơh càr Nghệ An dê kĭ kơrnoat tơlik mat mpồl. Kờp bơh tŭ geh ngan ngồn tơlik mat nam 2009, Mpồl Cau ling kăc màng gơtìp bol sò tơm kŭp mờ jam càr Nghệ An neh tơrgùm wơl, bơt bơtàu mpồl ngai sơlơ pràn kơl dang, kơ̆ kơl jăp. Mờ bơhiàn “Hùc dà kah tô dà”, sùm cih kah cau geh dà kơl hề mờ kăc màng, Củ tịc Quốk hội đơs nền, Đảng, Dà lơgar he kah kơlôi mờ sền gròi tus ală cau geh dà kơl hề mờ kăc màng, tàm hơ̆ geh ală cau ling kăc màng gơtìp bol sò tơm kŭp mờ jàm.

Tơngai tus, Củ tịc Quốk hội ồng Vương Đình Huệ kơ̆p kờñ, ală cau tàm mpồl pơn jat tai lơh jăt niam bơhiàn kăc màng jơh nùs jơh tồr, khin cha tàm dơ̆ tam lơh, tryang tryồng, bơceh lơh tàm broă lơh; jat di jơnau sồr, jơnau kờñ bơh mpồl dê, pơn jat tai lơh jăt niam bơhiàn kăc màng, bơt bơtàu nùs nhơm cau ling bal, dong kờl bal mờ gơ̆p bơt bơtàu rài kis pơgồp bơnah bơt bơtàu broă lơh bơtàu tơnguh mờ sền gàr Dà lơgar.