Tơm boh bơr mờ mpồl bơtiàn cau Việt Nam tàm lơgar Nga, Củ tịc Quôk hội ồng Trần Thanh Mẫn neh yal bè broă cíñ trị, lơh sa, mpồl bơtiàn dà lơgar dê. Củ tịc Quôk hội jờng rơ nùs nhơm tam klac bal bơh mpồl bơtiàn cau Việt Nam dê tàm lơgar Nga mờ 60 rơbô nă cau lơh broă tàm uă gah bè bơsram, lơh broă, lơh sa, kă bro mờ bơt bơtàu gơtùi mpồl tam klac bal. 

Củ tịc Quôk hội đơs nền, broă lơh ờ tam gơl bơh Đảng mờ Dà lơgar he dê là sùm sền gròi mờ sền mpồl bơtiàn cau Việt Nam tàm lơgar ndai là dùl mpồl ờ gơtùi tam cah is, là bơta gơn kơnờm bơh mpồl bơtiàn jơi bơtiàn dê mờ là bơta kuơmàng pơgồp bơnah sơlơ tơnguh tai bơta git gơp lơh broă bal, lơh bơyô bal đah Việt Nam mờ ală lơgar.