Tàm dơ̆ tìp măt, kwang bàng đơng lam bồ Quôk hội lài do đơs là, Quôk hội khoă XV pơn jăt tai tơngŏ nùs nhơm tam gơl pa tàm jơh ală gah broă, pơrjum cribơyai Quôk hội, rềp mềl mờ cau tĕ khà mờ geh cau tĕ khà, gal ngan làng bol jờng rơ uă ngan. Ală anih lơh broă bơh Quôk hội rơcăng pơgồp bal bơnĕ bơnài mờ Cíñ phủ tài bơh jơnau kờñ bal, dipal mờ gùng dà bơtàu tơnguh tàm lơgar mờ dunia.

Di tàm dơ̆ rơcăng wă rò sơnam pa sa tềp bơhiàn yau dà lơgar dê nam Giáp Thìn 2024, Củ tịc Quôk hội Vương Đình Huệ nting bơr gờm chờ ală oh mi lài do là kwang bàng đơng lam bồ Quôk hội, kwang bàng Ủy ƀan Thường vụ Quôk hội ală khoă lài do bal mờ hìu bơnhă, dồ sơnam pa lơngăp lơngai, pràn kơldang mờ chờ hờp chờ hờñ; pơn jăt tai dong kờl, tă pơgồp uă rlau tai nàng Quôk hội lơh sir jak ngan kơnòl broă neh geh Đảng, Dà lơgar jàu.