VOV4.K’ho- Di tơngkah ngai dunia cau ùr (08/3) mờ gờm chờ pơrjum dờng cau ala mat cau ùr gùt lơgar dơ̆ 13, tơngai lơh broă bơh nam 2022 tus nam 2026, drim ngai 08/3, tàm hìu lơh broă Quôk hội, Củ tịc Quôk hội ồng Vương Đình Huệ neh tìp mat Mpồl coh plai cau ùr Việt Nam – Ală cau ling sơmañ rơmit- ală ùr ơruh biàng bơh rài coh plai Việt Nam dê.

Đơs tàm dơ̆ tìp mat, Củ tịc Quôk hội ồng Vương Đình Huệ đơs nền, pal ơn bơta chài tàp pràn să jan ndrờm bal mờ ală bơta chài ndai bè toán, niam chài đơs crih tamya, cih jơnau, dà đơs... nàng gờñ git gŏ cau chài, geh gùng dà bơto bơtê nền nòn, ờ lời huĭ, hoàc huơr bơta jak chài tàm gah tàp pràn să jan. Nàng lam lơh ngan ngồn ală jơnau kờñ, broă geh jàu mờ gah tàp pràn să jan neh ai tơlik mờ wèt tus, tàm hơ̆ geh coh plai đơs bal mờ coh plai cau ùr đơs is, Củ tịc Quôk hội ồng Vương Đình Huệ sồr, pal git loh, tơnguh jơnau git wă ală nùs nhơm bơh Đảng, dà lơgar dê bè tơnguh gơnoar broă cau ùr dê tàm broă lơh bơt bơtàu mờ sền gàr dà lơgar, bè bơtàu tơnguh tàp pràn să jan dà lơgar đơs bal mờ bơtàu tơnguh coh plai cau ùr đơs is.

Cau mblàng K’Duẩn