Củ tịc Quôk hội ồng Vương Đình Huệ đơs nền, Quôk hội Việt Nam hơ lơh geh tơngume adat boh lam kơ̆ kơl jăp, song dơ pă loh làng, ƀươn nàng ală mpồl lơh sa kă bro lơgar ndai in, tàm hơ̆ geh ală mpồl lơh sa kă bro lơgar Mỹ dê, pơn jăt tai lơh broă, rề ơnàng broă lơh mờ bơtàu tơnguh jŏ jòng tàm Việt Nam. Quôk hội mờ Cíñ phủ Việt Nam sùm rơcăng iăt kơno ală jơnau đơs, jơnau sền gròi mờ jơnau kơ̆p kờñ bơh ală mpồl lơh sa kă bro dê bè gùng dà broă lơh mờ adat boh lam bơh lơgar Việt Nam dê. Củ tịc Quôk hội sồr ală mpồl lơh sa kă bro pơn jăt tai lòt bal mờ Việt Nam bơh broă pờ ơnàng rlau tai broă lơh lơh sa kă bro bơcri priă. Lòt bal, dong kờl bal mpồl lơh sa kă bro lơgar Việt Nam dê tơnguh uă bơta gĭt wă, ngui măy mok jak chài. Pơn jăt tai pơgồp bal niam mờ Việt Nam nàng kờñ sơlơ lơh broă bal bơcri priă tàm ală gah broă mờ lơgar Việt Nam ai lài mờ lơgar Mỹ geh uă bơta pràn.