VOV4.K’ho- Mho mang ngai 03/06, Sơñio rùp Quôk hội Việt Nam ngan ngồn yal Phan đal gĭt pa mờ Anih kêñ 7. Ala măt kwang bàng đơng lam bồ Quôk hội, Ủy ƀan Thường vụ Quôk hội, Củ tịc Quôk hội ồng Vương Đình Huệ jơh nùs jờng rơ mờ gờm chờ bè ală cồng nha kwơmàng tàm tam gơl pa, tơnguh uă bơta niam, tơngume mờ broă lơh tơngŏ ală jơnau đơs bơh Sơñio rùp Quôk hội Việt Nam dê; lơh jăt di jơnau sồr bơh Quôk hội, Ủy ƀan Thường vụ Quôk hội, gal ngan cau tĕ khà mờ làng bol dê.

Củ tịc Quôk hội ồng Vương Đình Huệ đơs là, do là ală bơta gơn kơnờm kwơmàng nàng Sơñio rùp Quôk hội Việt Nam gơtùi đơs nền bơngă, gơnoar broă ngan ngồn là anih lơh kòn gùng đah Quôk hội, kwang bàng Quôk hội mờ cau tĕ khà mờ cau sền sơñio rùp jơh gùt lơgar. Củ tịc Quôk hội ồng Vương Đình Huệ tơngkah, tam gơl phan đal gĭt kung pal pa bè bơta jơh nùs lơh ngan, pa bè nùs nhơm, pa bè broă lơh.

Cau mblàng Lơ Mu K’Yến