.- Tàm Hìu lơh broă Ƀộ Ngoại giao, Ngoại Thương mờ Gah pin dờn jat Yàng lơgar Argentina tàm càr lơgar Buenos Aires, Kung tàm dơ̆ lòt còp ngan ngồn lơgar Argentina, Củ tịc Quôk hội lơgar Việt Nam ồng Vương Đình Huệ neh tus bal Cribơyai mpồl lơh sa kă bro đah lơgar Việt Nam mờ Argentina.

Đơs tàm dơ̆ cribơyai, mò Cecilia Todesca Bocco, Quốc vụ khanh drơng broă ală broă lơh sa, dunia bơh Ƀộ Ngoại giao Ngoại thương mờ Gah pin dờn jat Yàng lơgar Argentina dê pà gĭt, priă lơh geh bơh tac phan mờ lơgar ndai, tàm pơgơl kă bro mờ bơta tàm dong kờl bal bơh rài lơh sa 2 lơgar dê neh tă pơgồp ai broă lơh sơlơ bơtàu tơnguh bơta gĭt gơ̆p lơh broă bal lơh sa, kă bro đah 2 lơgar dê tàm tơngai pa do. Lơgar Việt Nam là lơgar kă bro dơ̆ 6 bơh lơgar Argentina dê mờ priă lơh geh tăc phan mờ lơgar ndai geh 3 tơmàn 200 tơlak dolar Mỹ mờ blơi phan bơh lơgar Việt Nam dê geh 1 tơmàn 240 tơlak dolar Mỹ. Mò Todesca Bocco pà gĭt dơ̆ cribơyai kung nàng kờñ sền gĭt ngan ngồn broă lơh pơrjum mờ ală rơndap broă lơh digơlan lơh broă bal bal; mơkung đơs sùm, dơ̆ cribơyai kung là tiah nàng 2 gah in pơlam gùng dà ai broă lơh lơh broă bal 50 nam tus.