Tiah Lơh sa Nhơn Hội geh đal git là tiah lơh sa uă gah, uă broă, mờ broă tờm bơtàu tơnguh là lòt nhơl, broă drơng ala, tiah drà, lơh sa mờ măi mok, anih ơhò ơm tàm dà lềng, năng lượng lơh geh wơl mờ phan tàm dà; là gah gơguh lơh sa, lơh bal kơ̆ kơljap mờ tơl làm mờ bơta bơtàu tơnguh bal bơh ƀòn dờng Quy Nhơn mờ tiah rềp bal dê; anih tờm kơlôi sơnơng jak chài mờ măi mok, tam gơl pa, bơceh lơh, tiah ngui bồ tơngoh jak kòn bơnus mòn gơs kuơmàng ngan bơh lơgar Việt Nam dê; tiah tờm lòt nhơl dờng bơh Việt Nam dê.

Tàm dơ̆ bơyai lơh, Củ tịc Quôk hội Vương Đình Huệ bal mờ mpồl kwang bàng, kwang đơng lam bồ càr Bình Định neh lam lơh bơhiàn ai ngui Tiah lơh sa mờ măi mok, tiah drà mờ broă drơng ala Becamex VSIP Bình Định (tơngai dơ̆ 1) tàm xã Canh Vinh, kơnhoàl Vân Canh, càr Bình Định; sền dơ̆ kĭ lơh broă bal bơcri priă đah Becamex VSIP Bình Định mờ ală mpồl lơh broă bal mờ kờp priă 49 tơlak dolar Mỹ.