Tus bal dơ̆ kĭ geh Ƀí thư Đảng đoàn Quôk hội, Củ tịc Quôk hội ồng Vương Đình Huệ, Ủy viên Ƀộ Cíñ trị, Ƀí thư Đảng Dà lơgar, Kwang atbồ Ƀan Nội cíñ Dà lơgar ồng Phan Đình Trạc.

Đơs tàm dơ̆ kĭ, Củ tịc Quôk hội ồng Vương Đình Huệ đơs là, tàm tơngai pa do, broă lơh pơgồp bal đah Đảng đoàn Quôk hội mờ Ƀan Nội cíñ Dà lơgar sùm geh sền gròi, bơt bơtàu, sơlơ tơnguh, pơgồp bơnah kwơ màng tàm broă lơh tă pơgồp jơnau đơs bơh 2 anih lơh broă dê dong Ƀan Cấp hàñ Dà lơgar mờ tơn, sùm là Ƀộ Cíñ trị, Ƀan Ƀí thư, Mpồl đơng lam Dà lơgar bè rcang sơndră sa kuề sa kuà mờ bơta ờ niam, Mpồl đơng lam lơh niam wơl adat boh lam Dà lơgar bè ală gah nội cíñ, rcang sơndră sa kuề sa kuà mờ bơta ờ niam mờ lơh niam wơl adat boh lam. Ală cồng nha kwơ màng tàm broă lơh lơh ngan rcang sơndră sa kuề sa kuà mờ bơta ờ niam, nội cíñ mờ lơh niam wơl adat boh lam geh bơta pràn tă pơgồp ờ dùl ết bơh 2 anih lơh broă dê.