Củ tịc Quôk hội Vương Đình Huệ tus bal mờ đơs tàm dơ̆ lam lơh. Củ tịc Quôk hội đơs là, Nhai Ơruh pơnu pah nam là broă lơh geh kwơ màng ngan, sơnđờm mut lơh tàm pah tŭ nam pa tus, kàl bơh Rơnàng kơnòm să dê; là jơnau bơceh lơh geh tơrgùm lơh geh bơh bơta geh ngan niam ngan bơh srơh ơruh pơnu mờ broă lơh Đoàn dê. Củ tịc Quôk hội jờng rơ uă ngan Đoàn Ơruh pơnu Kộng sản Hồ Chí Minh Dà lơgar neh sac rơ wah tơngume broă lơh nam 2024 dê là “Nam Ơruh pơnu dong kờl is” sền gĭt tơngume Nhai Ơruh pơnu nam do là “Ơruh pơnu lam lài dong kờl is tài rài kis mpồl bơtiàn”, bơyai lơh tàm bơrlŭ bal dơ̆ sơnđờm mut lơh Nhai ơruh pơnu mờ Sa tềp tam chi sùm sùm kah ưn ngài Wa Hồ tàm dùl tŭ tơngai, tơngŏ nùs nhơm lơh broă, jơh nùs lơh ngan uă bơh ală kấp ƀộ Đoàn dê.

Lơh jat Sa tềp tam chi sùm sùm kah ưn ngài Wa Hồ, Củ tịc Quôk hội sồr ală kấp ƀộ Đoàn mờ rơnàng kơnòm să gùt lơgar pơn jat tai gàr niam cồng nha lơh ală broă lơh, broă lơh niam tàm broă lơh tam chi, lơh gơlik brê, sền gàr tiah ơm kis, sơndră mờ tam gơl nhơm trồ tiah, sền gàr tiah ơm kis tơlir, sàng goh, niam bơnĕ. Kung tàm ală broă lơh bơh Nhai Ơruh pơnu, Củ tịc Quôk hội Vương Đình Huệ neh tus bal dơ̆ sơnđờm mut ngui Thư viện tơlir, tiah sền sră ai kơnòm dềt tàm xã Nam Thanh, kơnhoàl Nam Đàn mờ chu ñàng tàm Tiah Tềl lời wơl kwơ màng Kim Liên, Tiah Tềl lời wơl kah yau Dà lơgar Truông Bồn.