Tàm pơrjum, ala măt kwang đơng lam Đảng Dà lơgar, Củ tịc Quốk hội ồng Vương Đình Huệ neh jào Gai lòng Lơh broă khà I ai mpồl cau lơh broă tàm pang Ƀăo Cau ala măt Làng bol. Ƀăo Cau ala măt làng bol hơ geh pơn jăt tai là tồr măt kơlôi sơnơng bal, geh đơs, là mpàng tê lơh bal mờ cau tĕ khà mờ Làng bol gùt lơgar dê.

Đơs tàm pơrjum, Phó Củ tịc Duh broă sùm Quốk hội ồng Trần Thanh Mẫn hòi jà, tàm bơta tam gơl sồ mờ tơrgùm bal mờ dunia gam gơlik geh pràn kơl dang bè tŭ do, tơl nă kwang bàng, cau lơh ƀăo, cau sền sơwì jơnau bơh pang Ƀăo do dê pal ngui kông nghệ, lơh geh cồng nha bơta pràn geh is, yal tơngit di mờ gùng dà broă lơh, song dơ pă, mhar mờ niam bơnĕ nàng pang Ƀăo Cau ala măt Làng bol gơs dùl tàm ală anih lơh broă sră ƀăo lam lài tàm broă tam gơl sồ bơh ală anih lơh broă sră ƀăo tàm gùt lơgar dê.