VOV4.K’ho- Mho ngai 06/05, tàm Hà Nội, Ƀộ Kwang àng bơyai lơh Pơrjum sền wơl bơh sơnrờp 01 nam lơh jăt Jơnau đơs pơndŭt sồ 01 bơh Ƀộ Cíñ trị dê, tơn jơh Dơ̆ hòi jà “Bơ̆t bơtàu nùs nhơm cau Kwang àng làng bol nùs nhơm kơ̆ dơn, kòn bơnus niam chài, tài Làng bol drơng broă”, Jơnau pal jăt ai jơnau đơs Làng bol mờ jàu pà ală broă jờng rơ kâp Dà lơgar. Củ tịc Quôk hội ồng Vương Đình Huệ tus bal Pơrjum.

Đơs tàm pơrjum, ala măt kwang bàng đơng lam bồ Đảng, Dà lơgar, Ủy ƀan Thường vụ Quôk hội, Củ tịc Quôk hội ồng Vương Đình Huệ jờng rơ mờ gờm chờ ală cồng nha, broă lơh geh bơh mpồl Kwang àng làng bol dê neh lơh geh. Tàm tơngai tus, Củ tịc Quôk hội ồng Vương Đình Huệ sồr Đảng ƀộ Kwang àng kâp Dà lơgar, Ƀộ Kwang àng pơn jăt tai lơh pràn broă bơsram mờ lơh jăt bồ tơngoh, nùs nhơm, rài kis mờ broă lơh Hồ Chí Minh jăt Jơnau đơs pơndŭt sồ 01, Cỉ thị sồ 05 bơh Ƀộ Cíñ trị dê gơ jăt bal mờ lơh jăt Prao bơta Wa Hồ dê bơto Kwang àng làng bol, Dơ̆ hòi jà “Bơ̆t bơtàu nùs nhơm cau Kwang àng làng bol, nùs nhơm kơ̆ dơn, kòn bơnus niam chài, tài Làng bol drơng broă”; kwơmàng pal sền gròi broă lơh bơto bơtê cíñ trị bồ tơngoh, bơto bơtê bơhiàn ờs mờng bơh yau, bơto bơtê nùs nhơm rài kis, nùs nhơm geh kơnòl, jơnau gĭt wă drơng broă Dà lơgar, drơng broă Làng bol tàm jơh gùt mpồl kwang àng.

Cau mblàng Lơ Mu K’Yến