VOV4.K’ho- Mho ngai 26/08, tàm Hìu lơh broă Quôk hội, Hội đồng khoa họk bơh Ủy ƀan Thường vụ Quôk hội pơgồp bal mờ Ủy ƀan Kiñ tế bơh Quôk hội, Ƀộ Tài nguyên mờ Môi trường, Viện Kơlôi sơnơng lơh adat boh lam mờ Mpồl chài Cahrña Việt Nam dê drơng lơh bal pơrjum “Tă pơgồp jơnau đơs tàm jơnau rcang cih Adat Ù tiah (tam gơl) jat Nghị quyết bơh Ƀan Cấp hành Đảng dà lơgar khoá 13”. Pơrjum bơh Củ tịc Quôk hội ồng Vương Đình Huệ mờ ală Phó Củ tịc Quôk hội đơng lam.

Củ tịc Quôk hội tus bal pơrjum “Tă pơgồp jơnau đơs rơndap rcang cih Adat Ù tiah (tam gơl)

Pơrjum dơ̆ do geh bơyai lơh nàng kờñ hòi jà, ngui niam gơnoar broă, bồ tơngoh jak bơh ală cau jak chài, cau khoa họk, cau atbồ, ală cau geh bơta mờng chài geh ngan tàm uă gah broă tus bal tàm broă tă pơgồp jơnau đơs, lơh sir rơndap broă lơh Adat Ù tiah (tam gơl). Cồng nha pơrjum geh anih lơh broă Thường trựk bơh Hội đồng Khoa họk bơh Ủy ƀan Thường vụ Quôk hội dê tơrgùm wơl yal mờ ală anih lơh broă geh gơnap gơnoar in nàng kơlôi sơnơng, cribơyai bal, pơgồp bơnah drơng broă Quôk hội in sền sơ wì, cribơyai rơndap lơh Adat Ù tiah (tam gơl) tàm tơngai tus.

Cau mblàng K’Hạnh