Mho mang ngai 24 nhai 10, tàm Hìu Quôk hội, Củ tịc Quôk hội ồng Vương Đình Huệ neh đơng lam Dơ̆ bơyai lơh wă rò Củ tịc Thượng viện lơgar Campuchia ồng Samdech Say Chhum mờ Mpồl Kwang bàng Kâp dờng ala mat Thượng viện lơgar Campuchia. Tơnơ̆ Dơ̆ bơyai lơh wă rò tơn, bàr gah neh bơyai lơh cribơyai.

                                                     Jơh gùt anih bơyai lơh dơ̆ cribơyai

Tàm dơ̆ cribơyai, Củ tịc Quôk hội Việt Nam ồng Vương Đình Huệ mờ Củ tịc Thượng viện Campuchia ồng Samdech Say Chhum ndrờm đơs bal, dơ̆ lòt còp do là broă kwơmàng ngan tàm broă lơh kơ̆ kơl jăp mờ bơtàu tơnguh bơta gĭt gơ̆p lơgar ơm rềp bal lơh bơyô bal, lơh broă bal tơl ală bơta đah Việt Nam mờ Campuchia đơs bal kung bè đah ală anih lơh broă lơh adat boh lam bơh 2 lơgar dê đơs is. Củ tịc Quôk hội ồng Vương Đình Huệ kơ̆p kờñ pal sồr gờñ lơh sir “Rơndăp ù tiah jơh ală bơta Tàm tơrbŏ bal bàr rài lơh sa Việt Nam mờ Campuchia tus nam 2030”; pơn jăt tai ai tơl ală bơta ai cau bơcri priă, mpồl lơh sa kă bro tàm lơgar tàm tơrbŏ bal tam klăc lơh broă bal in. Lơh broă bal ătbồ geh cồng nha bè sền gàr lơngăp lơngai tiah nhàr lơgar, gròi sền kràñ nàng kơryan ală cau lơh tìs mờ lik mŭt mờ lơgar ndai tìs mờ adat boh lam, lơh broă lơh tìs “tăc bro cau”.

Bè Quôk hội Việt Nam mờ Lơh broă bal Nghị viện đah 2 lơgar, bàr nă kwang đơng lam bồ ndrờm kơ̆p kờñ là bàr gah sùm tàm lùp bơta mờng chài tàm broă lơh kơlôi sơnơng, tă pơgồp jơnau đơs jơh ală bơta mờ bơyai lơh drơng broă jơh ală broă lơh bơh Nghị viện dê; pơn jăt tai ngui niam broă lơh pơgồp bal tàm ală dơ̆ pơrjum uă lơgar....