Broă lơh do geh tơrbŏ bal mờ broă pờ tơlik tàm internet mờ 57 anih pờ Mpồl đơng lam Ling sền gàr tiah nhàr dà lơgar ală càr, ală pôs ling sền gàr tiah nhàr dà lơgar tàm tiah ngài, tiah bồt dà lềng. Ala măt kwang đơng lam Đảng, Dà lơgar, Củ tịc Quốk hội đơs niam mờ jờng rơ ală cồng nha bơh mpồl ling sền gàr tiah nhàr dà lơgar neh lơh geh tàm tơngai do; mờ ưn ngài broă lơh ngan, jơh pràn bal mờ ală bơta phi să dờng màng mơya ngềt ngơ̆t tàm tiah nhàr dà lơgar ngài ngan, kal ke, tàm hơ̆ uă ngan là tàm ală ngai sơnrờp Nam pa, tŭ Satềp tus nam pa.

Tàm tơngai tus, Củ tịc Quốk hội Vương Đình Huệ sồr, mpồl ling sền gàr tiah nhàr dà lơgar pơn jăt tai lơh jăt tơl, lơh jăt nền nòn ală cỉ thị, nghị quyết bơh Đảng, broă lơh adăt boh lam bơh Dà lơgar dê bè kơnòl sền gàr dà lơgar-lơngăp lơngai. Di tàm dơ̆ do, Củ tịc Quốk hội neh pơyoa ờ uă pò phan tus ală Pôs ling sền gàr tiah nhàr dà lơgar tàm ală tiah gơtìp kal ke, ală Pôs ling sền gàr tiah nhàr dà lơgar dờp ròng kơnòm dềt kòn đời, geh rài kis gơtìp kal ke tàm pôs ling mờ 354 nă kơnòm dềt là “Kòn ròng pôs ling sền gàr tiah nhàr dà lơgar” dê.