Tơm boh bơr mờ mò Nguyễn Nguyệt Tuệ (cau cih jơnau Nguyệt Tú), là pơ ùr ƀồc Củ tịc Quôk hội Lê Quang Đạo dê mờ Giáo sư, Ƀak sĩ Bùi Nghĩa, kòn klau ƀồc Kwang ătbồ Mpồl duh broă sùm Quôk hội Bùi Bằng Đoàn dê, Củ tịc Quôk hội Vương Đình Huệ neh yal, Ủy ƀan Thường vụ Quôk hội mờ ală anih lơh broă geh gơrềng gam jơh nùs rơcăng ai Dơ̆ bơyai lơh tơngkah kir sơnrai 80 nam ngai Tĕ khà dơ̆ sơnrờp pồ Quôk hội lơgar Việt Nam (06-01-1946/06-01-2026). Quôk hội gam lam cih pang sră Kah yau 80 nam Quôk hội lơgar Việt Nam, tàm hơ̆ geh bơnah kwơmàng ngan bè ƀồc Kwang ătbồ Mpồl duh broă sùm Quôk hội Bùi Bằng Đoàn mờ ƀồc Củ tịc Quôk hội Lê Quang Đạo.

Di dơ̆ rơcăng wă rò sơnam pa Giáp Thìn, Củ tịc Quôk hội Vương Đình Huệ nting bơr kơ̆p kờñ hìu bơnhă ƀồc Kwang ătbồ Mpồl duh broă sùm Quôk hội Bùi Bằng Đoàn mờ hìu bơnhă ƀồc Củ tịc Quôk hội Lê Quang Đạo sùm pràn kơldang, pơn jăt tai tă pơgồp jơh nùs tàm broă lơh bơ̆t bơtàu dà lơgar bơtàu tơnguh jăt bơta kơ̆p kờñ bơh ƀồc Kwang ătbồ Mpồl duh broă sùm Quôk hội Bùi Bằng Đoàn mờ ƀồc Củ tịc Quôk hội Lê Quang Đạo dê.