Tơm bơh bơr mờ kwang bàng, cau ling Trung đoàn Ling rơndeh par 921, Củ tịc Quôk hội Vương Đình Huệ đơs sùm, lòt gan 60 nam bơt bơtàu, tam lơh mờ dờng pràn, ală rơnàng kwang bàng, cau ling bơh Trung đoàn 921 dê neh sùm pơnđơl pràn lơh ngan, pơlam tàp mờ dờng pràn; lơh geh uă cồng nha dờng màng, pơn rơ ngan tàm broă lơh bơt bơtàu mờ sền gàr Dà lơgar.

Tơngai tus, Củ tịc Quôk hội sồr Trung đoàn pơn jat tai bơsram lơh jat, lam lơh niam ală Cỉ thị, Nghị quyết bơh Đảng, gùng dà broă lơh, adat boh lam Dà lơgar dê bè kơnòl broă gàr niam sền gàr Dà lơgar- lơngăp lơngai. Tơl nă kwang bàng, cau ling pal pơn jat tai lơh jat niam nùs nhơm “Cau ling Wa Hồ” mờ nùs nhơm khin cha cíñ trị kơ̆ kơl jăp, nùs nhơm rcang lài tam lơh uă, rcang lài dờp mờ lơh sir jak ngan kơnòl broă geh jàu, jơh nùs jơh tồr don song mờ Dà lơgar.