Đơs tàm dơ̆ lơh broă, Củ tịc Quôk hội Vương Đình Huệ jờng rơ bơta song dơpă bơh kwang đơng lam bồ càr Gia Lai dê tŭ dờp ală kal ke, bơta ờ niam bơh càr dê mờ đơs là, sền sơ wì song nàng đal git ală bơta ờ hềt lơh gơtùi nàng pơn đơl pràn bơsong là bơta pal geh.

Mờ nùs nhơm ờ lời “bồ nam rơlĕ rơlùn, lồi nam gơ jă gơ jal”, Củ tịc Quôk hội tơngkah càr lam lơh gơtùi jơnau kờñ Kờp jơh phan lơh gơs gùt càr bơh nam 2024 dê; bơsong ală bơta ờ niam bè ală gah broă bơto bơtê mờ bơsram; sơlơ tơnguh mpồl kwang đơng lam bồ, ngan là ùr kwang bàng mờ mpồl kwang đơng lam bồ kâp xã, lam lơh niam broă lơh lơh niam wơl sră pơ àr gơnoar atbồ, ai priă bơcri dà lơgar, hòi jà bơcri priă lơh gơlik phan bơh suơn sre, brê bơnơm nàng tơnguh bơta kuơ lơh geh phan bơna dê, ngan là ală phan OCOP.