Củ tịc Quôk hội Vương Đình Huệ đơs nền, tàm gùng dà lơh broă mờ lơgar ndai he dê, Việt Nam sùm sền dờng màng mờ gròi sền lài tus bơtàu tơnguh bơta git gơp mờ lơgar Kộng hòa liên ƀang Đức – dùl lơgar dờng pràn khà dùl tàm câu Âu mờ tàm dunia; sùm kờñ lơh niam rlau tai bơta git gơp lơgar lơh broă bal kuơmàng mờ lơgar Đức tàm jơh ală gah Đảng, Quôk hội, Cíñ phủ mờ tìp mat lơh kwèng làng bol.

Tàm dơ̆ tìp mat, 2 nă kwang đơng lam bồ jờng rơ cồng nha lơh broă bal dờng màng, tơl làm lơh geh tàm mờr 50 nam lơh broă bal kung bè tàm rlau 10 nam 2 lơgar tơnguh bơta git gơp gơ gơs lơgar lơh broă bal jŏ jòng. Củ tịc Quôk hội sồr, Quôk hội 2 lơgar sơlơ tơnguh tai tàm pơgồp bal jat sền mờ sồr lam lơh jat ală Jơnau ring bal lơh broă bal mờ Cíñ phủ 2 lơgar neh kĭ, ală rơndap broă lơh broă bal kuơmàng.