Củ tịc Quôk hội Vương Đình Huệ tus bal dơ̆ lam lơh Dơ̆ hòi jà bơceh jơnau đơs crih bè Quôk hội mờ Hội đồng Ñân zân
Thứ tư, 13:40, 28/02/2024
Cau mblàng: K'Duẩn/VOV
Cau mblàng: K'Duẩn/VOV
VOV4.K'Ho- Mho òr (27/02), tàm Hìu lơh broă Quôk hội, Mpồl đơng lam – Mpồl bơyai lơh tơngkah kir sơnrai 80 nam Ngai tĕ khà sơn rờp Quôk hội Việt Nam neh bơyai lơh Dơ̆ lam lơh Dơ̆ hòi jà bơceh jơnau đơs crih bè Quôk hội mờ Hội đồng Ñân zân. Củ tịc Quôk hội Vương Đình Huệ - Kwang atbồ Mpồl đơng lam neh tus bal dơ̆ lam lơh.
Đơs lam lơh Dơ̆ hòi jà, Phó Củ tịc Quôk hội Trần Quang Phương pà git, Ƀan Ƀí thư neh sồr ai broă lơh Tơngkah kir sơnrai 80 nam Ngai tĕ khà sơn rờp Quôk hội Việt Nam mut tàm ală ngai chờ dờng mờ broă kah yau kuơmàng bơh dà lơgar dê tàm 3 nam, 2023- 2025.
Đơs là, jơnau bơceh bè ală anih lơh broă làng bol pồ là tơngume kal ke, Phó Củ tịc Quôk hội Trần Quang Phương pin dờn, ală cồng nha dờng màng bơh 80 nam Quôk hội Việt Nam dê bal mờ ală cồng nha niam, ală bơta tam gơl pa tàm broă lơh bơh Quôk hội, Hội đồng Ñân zân dê. Tàm dơ̆ lam lơh, Củ tịc Quôk hội Vương Đình Huệ bal mờ ală kwang bàng neh lềt phan ngan ngồn lam lơh Dơ̆ hòi jà bơceh jơnau đơs crih bè Quôk hội mờ Hội đồng Ñân zân.
Viết bình luận