Wă Củ tịc Tập đoàn SUNWAH ồng Jonathan Choi, Củ tịc Quôk hội jờng rơ Tập đoàn pơn jat tai bơtàu tơnguh tàm Việt Nam, kuơmàng là tiah lơh sa mờ măi mok tàm Lào Cai. Củ tịc Quôk hội kơp kờñ Tập đoàn tơrgùm sơlơ tơnguh tai lơh broă bal đah ală càr tiah nhàr dà lơgar Việt Nam mờ ală càr bơh lơgar Lo dê; kơlôi sơnơng tơrbŏ bal lơh broă bal 3 gah tàm broă tàm jàu măi mok tơnguh pràn jak tàm tơrbŏ ală mpồl lơh gơlik phan bơna.

Tàm dơ̆ wă Kwang đơng lam bồ Tập đoàn bơcri priă Năng lượng Vân Nam, Củ tịc Quôk hội jờng rơ pràn jak bơh Tập đoàn dê tàm broă gàr tơl năng lượng ai càr Vân Nam in, tàm hơ̆ geh năng lượng sàng goh. Bơh rơndap ù tiah ồs đèng VIII bơh Việt Nam dê, Tập đoàn gơtùi kơlôi sơnơng tus bal mờ gơnoar broă là mpồl lơh broă bal lơh pa 2, 3 rơndap broă lơh năng lượng sàng goh. Củ tịc Quôk hội đơs nền, lơh broă bal lơh mpồng nhàr dà lơgar ngac ngar, tơnguh mhar broă pơndiang phan bơna; kơp kờñ mpồl lơh sa kă bro 2 lơgar sơlơ tơnguh tai bơcri priă tàm drà kă bro bơh gơp dê jơh bal bè kă bro, bơcri priă, lơh sa.