VOV4.K’ho- Mho mang ngai 10/08, tàm Hìu Quôk hội, Củ tịc Quôk hội ồng Vương Đình Huệ neh wă Ƀí thư Đảng dà lơgar, Ƀí thư Thàñ ủy, Củ tịc Hội đồng Ñân zân càr lơgar Vientiane lam bồ Mpồl kwang bàng kấp dờng càr lơgar Vientiane ồng A-nụ-phạp Tu-na-lom tus còp mờ lơh broă tàm càr lơgar Hà Nội.

Củ tịc Quôk hội ồng Vương Đình Huệ neh wă Ƀí thư Đảng dà lơgar, Ƀí thư Thàñ ủy, Củ tịc Hội đồng Ñân zân càr lơgar Vientiane

Tàm dơ̆ wă, 2 gah đơs sùm dơ̆ lòt còp dơ̆ do tơngŏ bơta niam ngan bơta gĭt gơ̆p kwơ màng đah 2 Đảng, 2 lơgar dê. Củ tịc Quôk hội ồng Vương Đình Huệ sồr lơgar Lào pơn jat tai sền gròi, ai geh ală bơta ƀuơn rlau tai ai ală rơndap broă lơh bơh ală mpồl lơh sa kă bro Việt Nam in gam lơh broă tàm lơgar Lào tàm broă ai ù, nàng kờñ sơlơ bơtàu tơnguh lơh sa bơh 2 càr lơgar dê. Hội đồng Ñân zân 2 càr lơgar geh bal mờ gơ̆p cribơyai  bơta mờng chài, dong pồ tơl ală kwang bàng bơh ală anih lơh broă lơh adat boh lam bơh Vientiane dê lơh broă geh cồng nha mờ lơh kơ̆ kơljap ală anih lơh broă cíñ trị, ală anih lơh dat boh lam bơh lơgar Lào dê đơs bal.

Cau mblàng K’Hạnh