Ngai 21/10, Củ tịc Quôk hội ồng Vương Đình Huệ wă Củ ñiệm Ủy ƀan cribơyai broă mờ lơgar ndai Quôk hội Lào ồng Sanya Praseuth, Củ ñiệm Ủy ƀan cribơyai broă mờ lơgar ndai, lơh broă bal dunia, yal tơnggit mờ mblàng yal jơnau Quôk hội lơgar Campuchia ồng Sous Yara, di dơ̆ tus bal Pơrjum tàm lùp đah 3 Ủy ƀan cribơyai broă mờ lơgar ndai bơh Quôk hội 3 lơgar Campuchia – Lào – Việt Nam dê.

Củ tịc Quôk hội wă Củ ñiệm Ủy ƀan cribơyai broă mờ lơgar ndai Quôk hội Lào, Campuchia

Tàm dơ̆ wă, Củ ñiệm Ủy ƀan cribơyai broă mờ lơgar ndai ồng Vũ Hải Hà yal mờ Củ tịc Quôk hội ồng Vương Đình Huệ bè cồng nha pơrjum tàm lùp đah 3 Ủy ƀan cribơyai broă mờ lơgar ndai bơh Quôk hội 3 lơgar dê. Jat hơ̆, 3 Ủy ƀan cribơyai broă mờ lơgar ndai neh bal mờ gơp cribơyai, ring bal sồr Kwang đơng lam bồ Quôk hội 3 lơgar bơt bơtàu kơrnuat tìp mat ờs mờng jat tơngai pơrgon kwang bàng kâp dờng đah Quôk hội 3 lơgar.

Củ tịc Quôk hội ồng Vương Đình Huệ đơs là, ală tơngume mờ 3 lơgar neh cribơyai mờ lơh geh bơta ring bal tàm broă sơlơ tơnguh bơta git gơp bơh 3 lơgar dê ờ mìng dong git gơp 2 gah bơh tơl lơgar dê niam rlau mờ gam sơlơ tơnguh rlau tai gah lơh broă bal nghị viện; kuơmàng tàm gah bơtàu tơnguh lơh sa- mpồl bơtiàn.