VOV4.K’ho- Mho mang ngai 22/07, tàm Hìu lơh broă Quôk hội, Củ tịc Quôk hội ồng Vương Đình Huệ wă Củ tịc Hội đồng Quản trị Ngân hàng lơh broă bal dunia lơgar Nhờk (JBIC) ồng Maeda Tadashi tus còp mờ lơh broă tàm lơgar Việt Nam.

Củ tịc Quôk hội wă Củ tịc Hội đồng Quản trị Ngân hàng lơh broă bal dunia lơgar Nhờk

Tàm dơ̆ wă, Củ tịc Quôk hội ồng Vương Đình Huệ ưn ngài Củ tịc Hội đồng Quản trị JBIC neh tam pà 3 gùng dà pơlam dờng geh gơrềng tus gah broă mờ JBIC dê lơh broă bal, dong kờl Việt Nam tàm broă tam gơl năng lượng, mơkung kơ̆p kờñ JBIC dong kờl Việt Nam, Cíñ phủ, Quôk hội lơh sir ală broă lơh   lơh adat boh lam, kơrnoat boh lam tàm broă bơtàu tơnguh kơ̆ kơljap, ngan là tam gơl trồ tiah mờ tam gơl năng lượng. Jat tàm bơnàng jă bơta gĭt gơ̆p niam bơnĕ ngan đah Việt nam mờ Nhờk, Củ tịc Quôk hội ồng Vương Đình Huệ pin dờn, Nhờk geh pơn jat tai là lơgar lơh broă bal dờng màng mờ pin dờn bơh Việt Nam dê tàm broă lơh jat jơnau kờñ gơ dờp mờ tam gơl trồ tiah, tam gơl năng lượng, lơh jat ală jơnau hơ neh ai tơlik tàm pơrjum COP dơ̆ 26.

Cau mblàng K’Hạnh