VOV4.K’ho- Mho ngai 29/07, Củ tịc Quôk hội ồng Vương Đình Huệ neh wă Kwang pơlam broă kwơ màng Mpồl tam klăc Nghị sỹ Lơh bơyô Nhờk mờ Việt Nam ồng Takebe Tsutomu. Củ tịc Quôk hội ồng Vương Đình Huệ jờng rơ ngan gơnoar bơh Kwang pơlam broă kwơ màng Mpồl tam klăc Nghị sỹ Lơh bơyô Việt Nam mờ Nhờk ồng Takebe Tsutomu dê tàm broă sơlơ tơnguh bơta gĭt gơ̆p lơh broă bal đah 2 lơgar đơs bal mờ đah 2 anih lơh broă lơh adat boh lam 2 lơgar đơs is.

Anih bơyai lơh tàm dơ̆ pơrjum

Củ tịc Quôk hội ồng Vương Đình Huệ đơs niam ngan gơtha bơh broă lơh Hìu bơsram Đại họk Việt Nam mờ Nhờk gơwèt Hìu bơsram Đại họk dà lơgar Hà Nội; tơngŏ bơta kơ̆p kờñ Hìu bơsram Đại họk Việt Nam mờ Nhờk bè là sơm pòl ồs pơndàng gùng lòt, pơrya ai bơta gĭt gơ̆p lơh broă bal đah 2 lơgar dê. Củ tịc Quôk hội jờng rơ broă Ƀộ Tư pháp lơgar Nhờk dê tam gơl pa Kơnroat cau bơsram lơh broă cau bơsram dờng tàm lơgar Nhờk; kơ̆p kờñ 2 lơgar pơn jat tai lơh broă bal nàng tơnguh uă cồng nha bơh broă lơh lơh broă bal do dê; mơkung kơlôi sơnơng sơlơ tơnguh lơh broă bal cau lơh broă tàm tơngai tus.

Cau mblàng K’Hạnh