VOV4.K’ho- Mho ngai 28/09, Củ tịc Quôk hội ồng Vương Đình Huệ neh wă Đại tướng Singsuk Singpai, Phó Củ tịc dơ̆ 1 Thượng viên Thái Lan lam bồ mpồl lơh broă gam geh dơ̆ lòt còp, lơh broă nàng jòi gĭt bè broă lơh rcang sơndră mờ gròi sền sa kuề sa kuà tàm Việt Nam.

Củ tịc Quôk hội wă Phó Củ tịc dơ̆ 1 Thượng viện Thái Lan

Cribơyai bè broă lơh rcang sơndră sa kuề sa kuà mờ ờ niam, Củ tịc Quôk hội ồng Vương Đình Huệ đơs sùm, do là kơnòl broă tờm bơh Đảng, dà lơgar Việt Nam dê. Củ tịc Quôk hội đơs là, Quôk hội Việt Nam neh geh ală tă pơgồp kwơ màng tàm broă lơh rcang sơndră ka kuề sa kuà, mơkung đơs sùm, do là gah broă mờ Quôk hội 2 lơgar digơlan sơlơ lơh broă bal tàm tơngai tus. Ồng Singsuk Singpai kơ̆p kờñ, bơta gĭt gơ̆p đah 2 lơgar mờ làng bol 2 lơgar ngai sơlơ bơtàu tơnguh kơ̆ kơljap rlau tai; 2 mpồl Nghị sĩ gĭt gơ̆p lơh bơyô bal 2 lơgar pơn jat tai sơlơ tơnguh ală dơ̆ lòt còp, tìp mat, cribơyai bơta mờng chài lơh broă.

VOV.vn- Cau mblàng K’Hạnh