VOV4.K’ho- Mho mang ngai 22/3, tàm hìu lơh broă Quôk hội, Củ tịc Quôk hội ồng Vương Đình Huệ wă mò Manuela Ferro, Phó Củ tịc Ngân hàng dunia (WB) drơng broă tiah đah mat tơngai lik câu Á- Thái Bình Dương di dơ̆ lơh broă tàm lơgar Việt Nam bơh ngai 17 tus ngai 24/3/2022. Củ tịc Quôk hội ồng Vương Đình Huệ đơs là, tŭ do, Việt Nam gam pal hòi jà priă bơcri ai broă bơtàu tơnguh in. Quôk hội Việt Nam kơp kờñ WB dong kờl Việt Nam pơn jat tai rơndap sap sèng wơl priă jền dà lơgar mờ dồs dà lơgar jat gùng dà kơ̆ kơljap rlau, hòi jà priă bơcri ờ kas mờ ƀuơn ƀuài ai bơtàu tơnguh lơh sa in. Do là gùng dà lài ngan bơh Việt Nam dê.

Mò Manuela Ferro đơs niam jơnau bơceh mờ bơta rơcang lài bơh Quôk hội Việt Nam dê tàm broă bơyai lơh Cribơyai lơh sa pah nam nàng ai tơlik ală broă lơh, jơnau rơcang cih adat boh lam nàng kờñ chồl pràn bơta bơtàu tơnguh dà lơgar dê mờ đơs nền, WB geh sồr ală cau jak chài tus bal tàm cribơyai do; WB kờñ gơnoar broă gròi sền bơh Quôk hội dê, kuơmàng là gròi sền priă jền dà lơgar.

Cau mblàng K’Duẩn