Dờp jơnau jà bơh Củ tịc Quôk hội ồng Vương Đình Huệ, Củ tịc Thượng viện lơgar Campuchia ồng Samdech Say Chhum lam bồ Mpồl kwang bàng kấp dờng Thượng viện lơgar Campuchia tus càr lơgar Hà Nội, còp ngan ngồn Việt Nam bơh ngai 24 tus ngai 26 nhai 10. Do là broă lơh cíñ trị lơh broă mờ lơgar ndai kwơ màng đah Quôk hội Việt Nam mờ Thượng viện Campuchia tàm nam 2022 là “Năm lơh bơyô gĭt gơ̆p Việt Nam mờ Campuchia, Campuchia mờ Việt nam”, di dơ̆ tơngkah kir sơnrai 55 nam Ngai lơh bơta gĭt gơ̆p cribơyai broă 2 lơgar (24/6/1967), pơgồp bơnah sơlơ tơnguh bơta đềt mềr, pin dờn cíñ trị đah 2 Đảng, 2 lơgar mờ 2 Anih lơh broă lơh Adat.

Củ tịc Thượng viện lơgar Campuchia ồng Samdech Say Chhum

Dơ̆ lòt còp bơh Củ tịc Thượng viện lơgar Campuchia ồng Samdech Say Chhum dơ̆ do là dơ̆ nàng 2 gah in cribơyai, pơgồp bơnah lơh kơ̆ kơljap mờ sơlơ tơnguh bơta gĭt gơ̆p lơgar rềp bal niam bơnĕ, lơh bơyô bal ờs mờng, lơh broă bal tơl làm, kơ̆ kơljap jŏ jòng đah 2 lơgar dê.