Ala măt kwang đơng lam bồ Đảng, Dà lơgar, Mặt trận Dà lơgar Việt Nam, ồng Đỗ Văn Chiến pơyua jơnau gờm chờ tus Bàp Yàng Cíñ toà Hìu jum Yàng Bàp Xuân Lộc ồng Đỗ Văn Ngân, bal mờ ală giám mục, linh mục, cau kơđơng yàng bàp, làng bol dòn yàng bàp di dơ̆ pơrjum tơngkah ngai Kơnràñ Lik lìng. Ồng Đỗ Văn Chiến kơ̆p kờñ Bàp yàng Cíñ toà ồng Đỗ Văn Ngân bal mờ ală linh mục, cau kơđơng yàng bàp bơto pơlam kòn sau yàng tàm jơh gùt Hìu jum Yàng Bàp Xuân Lộc pơn jăt tai đòm jăt nùs nhơm pơñiờ să jơi bơtiàn, jăt jơnau đơs “Duh rơngòt Yàng kờñ gơboh Dà lơgar”, tă pơgồp bơta pràn bơ̆t bơtàu dà lơgar ngai sơlơ bơtàu tơnguh, tơl nă làng bol geh rài kis hờm ram, niam bơnĕ rlau. Ala măt Hìu jum Yàng Bàp Xuân Lộc, Bàp yàng Cíñ toà ồng Đỗ Văn Ngân tơlik nùs nhơm ưn ngài kwang đơng lam bồ Đảng, Dà lơgar mờ să tờm Củ tịc Ủy ƀan Mặt trận dà lơgar Việt Nam ồng Đỗ Văn Chiến neh sền gròi lòt còp, gờm chờ di dơ̆ pơrjum tơngkah Ngai Kơnràñ Lik lìng nam 2022.