Jat jơnau rcang cih, broă rơndăp lơh tơn jơh lơh jat Rơndăp broă hòi jà tă pơgồp bal dong kờl lơh hìu tam klăc dờng ai hìu bơnhă rƀah bơh càr dê wèt tus tơngkah kir sơnrai 70 nam tam lơh pha lin Điện Biên Phủ rơ̆p geh bơyai lơh tàm nggùl nhai 03 nam 2024. Tơngume tơn jơh rơ̆p sền sơ wì cồng nha lơh jat rơndăp broă sồ 09; dơ̆ tàm jàu 5 rơbô nơm hìu tam klăc dờng ai hìu bơnhă rƀah bơh càr dê; jờng rơ, pà khà jờng ală mpồl cau, cau dùl nă să geh cồng nha jak ngan tàm broă hòi jà tă pơgồp, dong kờl mờ bơyai lơh lam lơh jat rơndăp broă sồ 09.

Tàm dơ̆ lơh broă, ồng Đỗ Văn Chiến sồr càr Điện Biên tam gơl bàr pe bơta tàm broă rơndăp lơh bơyai lơh, tàm hơ̆ geh: tam gơl broă lơh bơh tìp mat lơh kwèng mờ làng bol tus sac rơwah cau ala mat nàng đơs tam pà bal tàm broă lơh; bơtơl tai broă lơh tìp mat lơh kwèng đơs crih tam ya tàm dơ̆ kah ưn ngài; tam gơl bè broă ală kwang bàng jat ală bơta geh ngan.