Tàm dơ̆ tìp mat, Củ tịc Ủy ƀan Ñân zân ƀòn dờng Hồ Chí Minh ồng Phan Văn Mãi ai tơnggŏ bơta kơp kờñ Kwang atbồ lơgar Đức pơn jat tai hòi jà mpồl lơh sa kă bro lơgar Đức tơnguh lơh broă bal, bơcri priă tàm ƀòn dờng tàm ală gah broă mờ lơgar Đức geh bơta pràn bè: măi mok lơh gơlik phan, phan bơna, năng lượng lơh geh wơl,… pơgồp bơnah bal mờ ƀòn dờng bơtàu tơnguh kơ̆ kơljap. Ƀòn dờng Hồ Chí Minh hơ pơrgon rơp pơn jat tai tam gơl niam anih bơcri priă, lơh gơlik bơta ƀuơn ai ală cau bơcri priă in, tàm hơ̆ geh mpồl lơh sa kă bro lơgar Đức tus bơcri priă, kă bro tàm ƀòn dờng.

Củ tịc Ủy ƀan Ñân zân ƀòn dờng kung kơp kờñ Kwang atbồ lơgar Đức pơn jat tai hòi jà, dong kờl ală mpồl bơto bơsram lơgar Đức, mpồl lơh sa kă bro lơgar Đức pơn jat tai sơlơ tơnguh tai lơh broă bal mờ ƀòn dờng Hồ Chí Minh tàm gah bơto bơtê broă lơh ai cau bơsram ƀòn dờng in; cribơyai mờng chài atbồ mờ tam gơl pa bơto bơsram. Mpồl kwang bàng lik lòt bơh ƀòn dờng Hồ Chí Minh tàm mho mang ngai 24/01, tơn jơh niam bơnĕ dơ̆ lòt còp kâp dà lơgar tus lơgar Việt Nam.