Tơnơ̆ tŭ iăt jơnau đơs, jơnau dan, đah Kông ty Bơcri priă bal Kơphê Thắng Lợi, ala măt gơnoar ătbồ tiah do, ală sở, gah lơh broă geh gơrềng neh hơ loh làng gơ wèt mờ tơl tơngume jơnau lùp, mblàng yal loh ală jơnau cih bơh adat boh lam dê gơrềng tus ù tiah, sră hơ dờp bă mờ rơndăp tăp sèng, tam gơl pa ală Kông ty lơh broă sa sươn sre, brê bơnơm. Bulah bè hơ̆, ală hìu dờp bă đơs là, ală jơnau hơ ờ hềt dipal kờñ pal geh bơta tus bal bơh Lùp sền Cíñ phủ dê nàng bơsong ală bơta ờ hềt tàm wă wờng đah làng bol mờ kông ty.

Đơs pơndŭt dơ̆ pơrjum boh bơr, ồng Phạm Ngọc Nghị, Phó Ƀí thư Tỉñ ủy càr, Củ tịc Ủy ƀan Ñân zân càr Dăk Lăk cih dờp mờ iăt kơno ală tơngume jơnau lùp bơh cau lơh phan, hìu dờp bă bơh Kông ty Kơphê Thắng Lợi dê neh yal, mơkung pà gĭt, neh geh sră pơ àr dan Lùp sền Cíñ phủ dê lơh jăt broă lùp sền tơl làm Kông ty Bơcri priă bal Kơphê Thắng Lợi.