Tàm dơ̆ pơrjum ƀăo ờs mờng pah nhai bơh Ƀộ Ngoại giao dê geh lơh mho ngai 29/02 tàm Hà Nội, hơ jơnau lùp gơrềng tus nùs nhơm bơh lơgar Việt Nam dê tềng đăp broă lơgar Lo ai 2 nơm ơhò kảñ sát dà lềng tus lơh broă tàm Dà lềng Tư Chính tàm dà lềng lơgar Việt Nam dê. Cau sơ pơ̆ bơr Ƀộ Ngoại giao lơgar Việt Nam Phạm Thu Hằng đơs loh: Nùs nhơm bơh lơgar Việt Nam dê gơ wèt mờ dà lềng Tư Chính là ờ tŭ lơi tam gơl mờ neh đơs nền uă dơ̆.

Jăt mờ hơ̆, dà lềng Tư Chính là dồ bơnah bơh dà lềng lơgar Việt Nam dê geh lơh nền dipal lơm mờ Kông ươk Adăt Dà lềng Liên hợp quốc dê nam 1982. Lơgar Việt Nam kràñ cê kơ̆ nùs dră wơl jơh ală broă lơh lơh tìs gơnoar tờm ù tiah, gơnoar gơnoar tờm ù tiah, gơnoar lơh nền gơ wèt mờ ală dà lềng lơgar Việt Nam dê geh lơh nền dipal lơm mờ adăt boh lam dunia, kwơmàng là Kông ươk bơh Liên hợp quốc dê bè Adăt Dà lềng nam 1982. Lơgar Việt Nam gam mờ rơ̆p kơ̆ nùs sền gàr ală gơnoar mờ bơta kwơ dipal mờ adat boh lam, di pal ngan tàm dà lềng bơh he dê bơh ală broă lơh ring lơngai dipal mờ adăt boh lam dunia.