VOV4.K’ho- Mho ngai 05/05, Ủy ƀan Ñân zân ƀòn dờng Đà Nẵng bơyai lơh pơrjum kờp sền wơl broă lơh rơcăng ai Cribơyai bơtàu tơnguh gùng par câu Á nam 2022 tàm nhai 06 tus. Do là broă lơh kwơmàng gơwèt mờ ƀòn dờng Đà Nẵng tàm broă lơh wơl nhơl chờ, pơgồp bơnah pờ tai ală gùng par pa, tơnguh lơh broă bal bơcri priă mờ ală mpồl lơh sa kă bro gah rơndeh par tàm dunia.

Cribơyai bơtàu tơnguh gùng par câu Á nam 2022 geh 19 broă lơh tờm mờ broă dong ala. Jăt jơnau yal bơh Sở Zu lịc ƀòn dờng dê yal, kờp tus ngai 05/05 do, geh rlau 400 nă kwang bàng bơh 155 mpồl, anih lơh broă cih mat tus bal cribơyai. Tàm Cribơyai bơtàu tơnguh gùng par câu Á nam 2022 kung geh uă broă lơh ndai bơh ală sở, ƀan, ngàñ tàm ƀòn dờng bơyai lơh, bè: Cribơyai “Đà Nẵng: Anih tus bềng bơta pràn bơh câu Á dê”; Wă mờ lơh broă mờ ală cau bơcri priă gah rơndeh par mờ nhơl chờ; Ràng tơlik phan bơna OCOP...Jơh ală broă lơh rơcăng gam geh Đà Nẵng rơcăng mờ lơh sir jơh lài mờ ngai 25 nhai 05 do.

Cau mblàng Lơ Mu K’Yến