VOV4.K’ho- Mho ngai 17/01, ƀòn dờng Đà Nẵng bơyai lơh Pơrjum lam lơh broă lơh lơh broă bal nhơl chờ- gùng rơndeh par mờ lam lơh pờ gùng par tus Đà Nẵng. Broă lơh yal mpồl lơh broă bal nhơl chờ mờ broă drơng ala gùng rơndeh par in broă rơndap lơh pờ gùng par dunia tàm nam 2022 bal mờ ală broă lơh dong kờl gùng rơndeh par tŭ do. Tŭ do, ƀlàng rơndeh par dunia Đà Nẵng geh broă lơh tơrmù bơh 10 tus 50% khà priă broă drơng ala gùng rơndeh par gơ wèt tus mờ Gah rơndeh par pờ gùng par dunia; ờ sa priă ơpah cơldŭ lơh broă ai ală gah rơndeh par in. Kung tàm mho ngai 17/01, Sở Zu lịc ƀòn dờng Đà Nẵng mờ Kông ty kổ phần Thương mại Duy Anh kiư Sră cih kah lơh broă bal bơyai lơh Cribơyai tơnguh gùng par câu Á nam 2022. Cribơyai tơnguh gùng par câu Á nam 2022 kờp dŭ geh lơh bơh ngai 06 tus ngai 08/6/2022, gơ hòi gơ jà rlau 500 nă cau ala mat tus bơh 110 gah rơndeh par, 30 mpồl bơyai lơh lòt nhơl chờ. Do là broă geh kơp kơnờm sơn đờm lam lơh wơl broă tàm pơ gơl gùng rơndeh par dunia tàm Đà Nẵng.

Cau mblàng K’Duẩn