Do là jơnau yal pa đơs tàm pơrjum Thàñ ủy ƀòn dờng Đà Nẵng dơ̆ 16, bơyai lơh drim ngai 16/07. Đơs sơnđờm mut pơrjum, ồng Nguyễn Văn Quảng, Ƀí thư Thàñ ủy ƀòn dờng Đà Nẵng đơs nền, bơdìh ală cồng nha lơh geh, bơta lơh sa- mpồl bơtiàn bơh ƀòn dờng dê gam uă kal ke, ờ pràn; bàr pe broă jàu, kơnòl broă jat Jơnau lơh nền tàm pơrjum mờ tơngume nam 2024 lơh jat ờ hềt geh cồng nha. Broă lơh bơto bơtê mpồl cau, tơmŭt uă đảng viên gam gơtìp kal ke.

Kờp tus ngai 30/6/2024, jơh gùt Đảng ƀộ ƀòn dờng tơmŭt geh 854 nă đảng viên, ndrờm mờ 1,39% khà đảng viên bồ nam, mờ 46,4% broă rơndăp lơh. Tàm pơrjum dơ̆ do, Thàñ ủy ƀòn dờng Đà Nẵng kung tơrgùm cribơyai mờ tă pơgồp jơnau đơs bè Jơnau neh lơh nền rơndăp tăp sèng mpồl lơh broă sră nggal gơnoar atbồ kấp kơnhoàl, kấp xã tơngai bơh nam 2023-2025 bơh ƀòn dờng Đà Nẵng dê; Broă rơndăp lơh priă bơcri dà lơgar nam 2025; Jơnau yal cồng nha lam lơh Mìng dùl tơngume Rơndăp ù tiah bơt bơtàu phan bơna tiah drà gơdờp mờ tam gơl nhơm trồ tiah; ring bal Jơnau yal tơn jơh broă lơh priă jền Đảng nam 2023 mờ gùng dà broă lơh, kơnòl broă nam 2024.