Hìu bơsram kờp dŭ rơ wah 2 rbô 900 nă cau bơsram dờng Đại họk cíñ quy ai 35 gah bơto bơtê in, gơ wèt ală mpồl gah: pràn kơldang să jan, lơh sa suơn sre, brê bơnơm, lơh pơgru, lơh sa. Tàm hơ̆ geh dùl gah bơsram pa drơng jat jơnau kờñ bè cau lơh broă bơh mpồl bơtiàn dê là Gah Lơh pơgru khoa họk tự ñiên. Cau bơsram dờng lik klờng gah do bơto môn Khoa họk tự ñiên kâp 2 jat tơngume bơto bơsram pa.

Hìu bơsram Đại họk Tây Nguyên ngui 4 broă lơh sac rơ wah cau bơsram, geh: Sac rơ wah jat điểm pơrlòng jơh bơsram kâp 3 nam 2023; sac rơ wah jat họk ƀạ kâp 3, sac rơ wah jat điểm pơrlòng sền sơ wì pràn jak bơh Đại họk dà lơgar Hồ Chí Minh dê mờ sac rơ wah tơn jat kơrnuat bơh Ƀộ Giáo zụk mờ Đào tạo dê. Broă li la ală broă lơh sac rơ wah cau bơsram nàng kờñ lơh gơlik bơta ƀuơn, tơnguh tai tŭ niam gơ kờn geh sac rơ wah ai ală cau pơrlòng in. Mờ kung dong hìu bơsram gơtùi rơ wah ală cau bơsram geh tơl pràn jak mờ dipal mờ bơta krơi is bơh ală tơngume bơto bơtê dê.