VOV4.K’ho- Mho ngai 22/04, ồng Marc Knapper, Đại sứ pa lơgar Mỹ dê tàm lơgar Việt Nam tus còp să mờ lơh broă mờ Kwang đơng lam bồ ƀòn dờng Đà Nẵng. Đại sứ Mỹ ồng Marc Knapper đơs niam ngan tiah bơcri priă bơh Đà Nẵng dê. Ồng Marc Knapper pà gĭt, neh lơh Anih lơh broă tàm Đà Nẵng Tơrgùm ală mpồl lơh sa kă bro lơgar Việt Nam tàm Việt Nam.

Đại sứ Mỹ ồng Marc Knapper còp să Kwang đơng lam bồ ƀòn dờng Đà Nẵng

Bơh Mpồl do, tàm tơngai tus geh uă cau bơcri priă lơgar Mỹ dê tus Đà Nẵng jòi tŭ niam lơh sa, tài bơh Đà Nẵng là ù tiah nhơl chờ tiơng pơnrơ geh dunia kờñ ngan. Ƀòn dờng Đà Nẵng geh mpồl cau lơh broă geh bơto broă lơh jak, geh anih ơhò dà lềng jrô ơm, ƀlàng rơndeh par dunia mờ phan bơna lơh gơkờñ ngan ală cau bơcri priă. Ồng Marc Knapper hơ geh sồr ală cau bơcri priă lơgar Mỹ tus bơcri priă, ờ mìng lơh gơlik ală tŭ niam ai ală mpồl lơh sa kă bro in lơh sa mờ gam pơgồp bơnah ai bơta pas sơm bal bơh làng bol Đà Nẵng dê.

Ồng Nguyễn Văn Quảng, Ƀí thư Thàñ ủy Đà Nẵng sồr bal mờ gơnoar broă bơh he dê, ồng Đại sứ geh dong kờl lơh niam rlau tai ală bơta gĭt gơ̆p đah Tơrgùm ală mpồl lơh sa kă bro lơgar Mỹ dê tàm Việt Nam mờ ƀòn dờng Đà Nẵng.

Cau mblàng Lơ Mu K’Yến